Balio-aldia: txartel guztiek urtebeteko balio-aldia dute, txartela egiten den egunetik kontatzen hasita.
Araudia
IYHF fundazioan sartutako Aterpetxeen Elkarteetako edozeinek egindako aterpetxekide txartela daukatenei zuzendurik daude Gazte Aterpetxeak.
Oro har ez dago adin-mugarik, baina erabateko lehentasuna ematen zaie 26 urtera arteko gazteei. Familiek eta taldeek berariazko txartel baten titular izan beharko dute.
Aterpetxekide txartela aterpetxean izena emateko momentuan aurkeztu behar da.
Eskuarki, aterpetxeek 23:00ak aldera ixten dute, eta beharrezkoa da gaueko atsedena, goizeko 07:00ak artekoa, errespetatzea. Aterpetxekideek aterpetxeetako arauak beteko dituztela eta bizikidetza atsegina sustatuko dutela espero da. Era berean, aterpetxekideek oinarrizko bi ideia hauek hartu beharko lituzkete aintzat: laguntzeko berezko joera eta elkarrekiko errespetuzko jarrera. Aterpetxeko zuzendariaren jarraibideak eta aholkuak errespetatu behar dira, eta zuzendariarekiko lankidetza onartu. Aterpetxe bakoitzaren araudian funtzionamendurako gidalerro zehatzagoak aurki daitezke.
Gida honetako argibideak eta deskribapenak indarrean daude edizioaren momentuan. Alabaina, argitalpen honen balio-aldiaren barruan ere informazio hauek aldaketak izan ditzakete, aurretiazko oharpenik gabe.
|
